HABARI

SEMINA ZA JATU ZA KILA JUMAMOSI ZIMERUDI TENA, ENDELEA KUFUATILIA BLOG YETU KWA TAARIFA ZAIDI

Baada ya kusubiri kwa muda mrefu sasa semina za kila Jumamosi zinazoandaliwa na JATU zimerudi tena. Usikose kuhudhuria semina itakayofanyika Jumamosi ya tarehe 22.08.2020 (kesho) kufahamu fursa wakadha ndani ya JATU.

Lengo la semina hizi ni kufungua fursa za uwekezaji kwenye kilimo, viwanda, masoko na mikopo ambazo zinapatikana kupitia JATU PLC ili kutimiza azma ya kujenga afya na kutokomeza umasikini kwa watanzania wote.

USIPITWE NA MAVUNO EXTRA NA JATU PLC, TUKUTANE SOKONI

FURSA KWA WANUNUZI WA MAZAO NA JATU

Ni muda wa mavuno extra sasa mazao yote yapo sokoni kwa wadau ambao wangependa kununua mazao ya wakulima wa JATU yaliohifadhiwa kwenye maghala yetu kwa bei ya soko kipindi hiki cha mavuno kupitia JATU market App na kisha kuyauza baadae bei za soko zikipanda kupitia viwanda vyetu wanakaribishwa kufanya biashara na wakulima wetu. Lengo la JATU ni kuongeza wigo na faida ya kilimo biashara huku tukitimiza azma yetu ya kujenga afya na kutokomeza umasikini.

Ni muda wa Mavuno Extra Tukutane Sokoni

NANENANE NA JATU TALK YAACHA ALAMA KWA WADAU WA KILIMO NCHINI, ENDELEA KUFUATILIA BLOG YETU KWA TAARIFA ZAIDI

Historia yaandikwa siku ya wakulima Nanenane na Jatu Talk iliofanyika ukumbi wa Blue Pearl Ubungo Plaza ambapo kulifanyika mazungumzo ya wakulima, wadau wa kilimo na kampuni ya JATU ambapo mgeni rasmi alikua Katibu Mkuu wa wizara ya kilimo akiwakilishwa na Mratibu wa mkakati wa vijana kushiriki kilimo Mh. Revelian Ngaiza. Mazungumzo hayo yalioambatana na mrejesho wa mavuno ya kilimo msimu wa 2019/20 na burudani mbalimbali kutoka kwa balozi wa Jatu msanii Mrisho Mpoto yalikua ya aina yake na kuacha gumzo kwa wakazi wa Dar es salaam na mikoa ya karibu.

Mazungumzo hayo ambayo yalihusisha wakulima zaidi ya mia saba yamefanikiwa kwa asilimia kubwa kutokana na muitikio wa wadau wa kilimo ambao wamevutiwa na fursa za uwekezaji kupitia kilimo cha JATU hasa mradi mpya wa kilimo cha parachichi ambao ulikua kivutio kikubwa kwa wawekezaji. Lengo la JATU ni kuongeza tija kwenye sekta ya kilimo nchini huku pia kubadilisha maisha ya wakulima kutoka kwenye dimbwi la umasikini kwa kukifanya kilimo kuwa biashara isio na wasiwasi hivyo kampuni huanza kwa kufanya utafiti wa mashamba, usimamizi wa kilimo, hutumia pembejeo za kisasa, mikopo ya kilimo isio na riba pamoja na masoko ya uhakika ya mazao na bidhaa zitokenazo na kilimo.

Meneja Mkuu wa JATU Mr. Issa Mohamed Simbano alitoa mrejesho wa mavuno kwa wakulima walioshiriki kilimo msimu wa 2019/2020 ambapo wakulima wengi walipokea ripoti hizo kwa bashasha kwani walifikia malengo kwa asilimia kubwa. Pia Mkurugenzi Mtendaji wa JATU Mr. Peter Isare aliahidi kuwa kampuni itaendelea kushirikiana na wadau wenye mawazo mazuri ya kilimo kupitia mfumo mpya wa Jatu talk ambao umelenga kukutanisha wabunifu wa mawazo na wenye mitaji ya kuwekeza huku akitolea mfano wa mwanachama wa JATU Irene Mangoli ambae ndie alieleta wazo la kilimo cha parachichi na JATU kuliwezesha kufanikiwa.

Wageni waalikwa kutoka SAGCOT na TIB waliahidi kuendelea kushirikiana na JATU ili kuongeza chachu ya maendeleo ya kilimo nchini kwani JATU imeonesha mfano mkubwa kwa kubadilisha mtazamo wa wakulima nchini kutoka kilimo cha mazoea na kuelekea kilimo cha kisasa cha kibiashara zaidi.

JATU ~ Jenga Afya Tokomeza Umasikini

NANENANE NA JATU 2020, USIKOSE KUTEMBELEA MABANDA YETU

Nanenane ni sikukuu ya wakulima ambayo huazimishwa nchini kote kila tarehe 08 ya mwezi wa nane yenye lengo la kuhamasisha mchango wa wakulima kwenye uchumi wa taifa. Sherehe hizi huandaliwa na kuratibiwa na wizara ya kilimo, chakula na ushirika kwa kushirikiana na shirika la chama cha kilimo Tanzania(TASO). Maonesho haya huhusisha taasisi, wizara na mtu mmoja mmoja anaeshughulika na kilimo.

Miaka iliyopita sherehe hizi zilikuwa zikifanywa tarehe saba Julai kila mwaka na kuzingatia mafanikio makubwa na changamoto zinazokabili sekta ya kilimo inayowashirikisha wadau wote kuanzia ngazi ya kijiji hadi taifa. Maadhimisho haya husherehekewa katika ngazi ya kanda ambapo kanda ya nyanda za juu za kusini hufanyika viwanja vya John Mwakangale mjini Mbeya. Kwa kanda ya Kaskazini, sherehe hufanyika viwanja vya Themi, Arusha , wakati kanda ya Mashariki hufanyika Viwanja vya Mwalimu Julius Kambarage Nyerere, Morogoro na Kanda ya Ziwa, hufanyika Mwanza, Viwanja vya Nyamhongolo na Kanda ya mwisho ni kusini, hufanyika Ngongo.

Kilimo ni moja ya sekta muhimu sana kwenye ukuaji wa uchumi kama taifa pia huchangia takribani nusu ya ajira zote nchini. Pia kilimo huchangia karibu theluthi(1/3) ya bidhaa zinazozalishwa ndani ya Tanzania na pia mauzo ya bidhaa nje ya nchi kwa asilimia 85.

Pamoja na umuhimu wake kwa uchumi na maendeleo ya nchi, kilimo bado kinakabiliwa na changamoto nyingi ambazo hupunguza tija kwenye sekta hii. Kama nchi zingine za Kiafrika ambazo hutegemea kilimo kama kichocheo cha uchumi, siku ya Wakulima ni siku ya kuheshimu wakulima na kuzingatia mchango wa sekta hiyo kwa nchi.

Lengo ni kutoa fursa kwa wakulima, wafugaji, wavuvi na wanaushirika kuona na kujifunza matumizi ya teknolojia bora za kilimo, ufugaji na uvuvi kwaajili ya kuongeza tija na uhakika wa chakula, kukidhi mahitaji ya viwanda na masoko. Maonesho ya nanenane huanza Agosti 1 mpaka Agosti 8 kila mwaka.

Maonesho ya mwaka huu 2020 ambayo ni maonesho ya 28 yenye kauli mbiu isemayo “Kwa maendeleo ya kilimo, mifugo na uvuvi chagua viongozi bora 2020” ambayo yanafanyika kitaifa viwanja vya Nyakabindi wilaya ya bariadi mkoa wa Simiyu. Mgeni rasmi siku ya ufunguzi rasmi wa maadhimisho ni Mh. Samia Suluhu makamu wa rais wa jamhuri ya muungano wa Tanzania.

Rais wa Jamhuri ya Muungano wa Tanzania Mhe. Dkt. John Pombe Magufuli atakua mgeni rasmi siku ya kilele cha maadhimisho tarehe 08 mwezi wa nane 2020.

JATU PLC tunashiriki maonesho haya kitaifa mkoani Simiyu banda namba 12 karibia na banda la wizara ya kilimo, kanda ya kaskazini maonesho tunashiriki mkoani Arusha banda la halmashauri ya wilaya ya Kiteto, kanda ya kati tunashiriki mkoani Dodoma Banda la jiji la halmashauri ya jiji Dodoma, na ukanda wa pwani tupo Mkoa wa Morogoro banda la halmashauri ya wilaya ya Temeke .

Tunawakaribisha wadau mbalimbali kutembelea banda letu ili kupata elimu ya fursa ya uwekezaji kupitia huduma zetu za kilimo, viwanda, masoko na mikopo ili kutimiza azma yetu ya kujenga afya na kutokomeza umasikini.

JATU- Jenga Afya Tokomeza Umasikini

ZIMEBAKI SIKU 14 KUELEKEA NANENANE NA JATU TALK (MKUTANO WA WAKULIMA) PALE UBUNGO PLAZA MRISHO MPOTO ATAKUWEPO WEWE JE UNAKOSAJE?

Tunapenda kuwafahamisha wadau wa kilimo, wanachama wakulima na ambao sio wakulima wa Jatu kwamba kutakuwa na kikao cha wakulima wa Jatu mnamo Tarehe 08 Agosti, 2020.

Mkutano huu utakua na agenda zifuatazo;

  1. Kuingia na kukagua taarifa za wakulima, kila mkulima atakagua faili la taarifa zake za kilimo Jatu.
  2. Mrejesho wa kilimo kwa msimu wa 2019-2020 zao la Mpunga, Mahindi, Alizeti na maharage. Hapa pia tutazindua njia mpya ya mkulima kuuza mazao yake kirahisi zaidi na kwa faida zaidi.
  3. Mkakati wa kilimo kwa msimu 2020-2021, zao la mpunga, mahindi, Alizeti, maharage na Machungwa.
  4. Miradi mipya ya kilimo na Jatu iliyobuniwa mwaka 2020 (Parachichi na viazi lishe).
  5. Mengineyo

Ukumbi: Kilimanjaro VIP

Hotel: Blue Pearl Hotel

Jengo: Ubungo Plaza, Dar es Salaam, Ubungo, Shekilango

MGENI MUALIKWA(ATAKUWEPO): MRISHO MPOTO

USIPITWE NA MKUTANO WA NANENANE NA JATU TALK 2020 UKUMBI WA UBUNGO PLAZA, KWA WAKULIMA NA WADAU WA KILIMO WOTE MNAKARIBISHWA

Habari,

Tunapenda kuwafahamisha wanachama wakulima na ambao sio wakulima wa Jatu kwamba kutakuwa na kikao cha wakulima wa Jatu mnamo Tarehe 08 Agosti, 2020 ili kushiriki mkutano huu unatakiwa kufata maelekezo yalioyoanishwa hapa chini; –

Walengwa:

Wanachama wa jatu wakulima waliolima msimu wa mwaka 2019-2020 na wale wanaotegemea kulima msimu wa mwaka 2020-2021. Pia wageni ambao sio wakulima wa Jatu kwa sasa na wangependa kujua kuhusu kilimo wanaruhusiwa kushiriki na kujionea tukio hili.

Ajenda:

  1. Kuingia na kukagua taarifa za wakulima, kila mkulima atakagua faili la taarifa zake za kilimo Jatu.
  2. Mrejesho wa kilimo kwa msimu wa 2019-2020 zao la Mpunga, Mahindi, Alizeti na maharage. Hapa pia tutazindua njia mpya ya mkulima kuuza mazao yake kirahisi zaidi na kwa faida zaidi.
  3. Mkakati wa kilimo kwa msimu 2020-2021, zao la mpunga, mahindi, Alizeti, maharage na Machungwa.
  4. Miradi mipya ya kilimo na Jatu iliyobuniwa mwaka 2020 (Parachichi na viazi lishe).
  5. Mengineyo

Eneo:

Ukumbi: Kilimanjaro VIP

Hotel: Blue Pearl Hotel

Jengo: Ubungo Plaza, Dar es Salaam, Ubungo, Shekilango

Muda:

kuanzia saa 02:00 Asubuhi – saa 10:00 Jioni

Huduma zitakazotolewa:

  1. Chai ya asubuhi
  2. Chakula cha mchana (Lunch)
  3. Notebook na kalamu
  4. Kitabu cha Jatu Kilimo 2019 – 2020

Kiingilio:

T-shirt ya Jatu

Kila mtu atakaye shiriki mkutano huu lazima avae T-shirt maalumu ya Jatu ambayo itapatikana siku hiyo mlangoni. Malipo ya T-shirt hizi yatafanyika kupitia Jatu Market App na kila mmoja ataandika size yake hapo kwenye Jatu Market App wakati unatuma oda yako baada ya kuchagua neno ‘‘Pick Up’’ basi kwenye neno la taarifa nyingenezo utasema size ya Tshirt na kulipia Tsh. 20,000/= Lipia T-shirt kabla ya tarehe 03.08.2020 ili kuthibitisha ushiriki wako.


“JATU – Jenga Afya Tokomeza Umaskini”

FAHAMU KUHUSU KILIMO CHA PARACHICHI NA JATU MKOANI NJOMBE, PAKUA JATU TALK APP KUPATA TAARIFA ZA MRADI HUU

Download nakala ya mradi wa kilimo cha Parachichi na JATU

SEHEMU YA KWANZA

Parachichi ni zao linalooteshwa katika ukanda wa baridi na katika ardhi yenye rotuba na maji ya kutosha. Njombe, Iringa, Mbeya, Morogoro, Tanga na Kilimanjaro ni baadhi tu ya mikoa inayolima Parachichi kwa wingi hapa Tanzania.

Jatu tumechagua kulima Parachichi katika mkoa wa Njombe, wakati tunatafuta mashamba tulizunguka maeneo mbali mbali ya mkoa wa Njombe na ni kweli mashamba yanapatikana maeneo mengi tu katika mkoa huu. Baada ya kutembelea maeneo hayo tuliamua kuchukua mashamba yaliyopo Njombe vijijini katika Eneo la madeke. Madeke ambako tumepata shamba ni mpakani kabisa mwa Njombe na Morogoro. Upande wa pili wa Morogoro tumetenganishwa na mto mkubwa wa kudumu unaitwa MFUJI na mashamba yetu yapo upande wa Njombe na upande wa Morogoro pia. Upande wa Njombe ni kijiji cha madeke, kata ya Lupembe. Na upande wa Morogoro ni kijiji cha Taweta, kata ya masagati halmashauri mpya ya Mlimba.

This image has an empty alt attribute; its file name is hass-avocado-4131531_1920.jpg

Hili eneo tumelichagua kuwekeza kwa sababu; kwanza kuna ardhi kubwa yenye rotuba, Kuna maji ya uhakika, kuna uwanda mzuri Yaani milima sio mikubwa sana ukilinganisha na maeneo mengine ya mkoa wa Njombe, barabara inapitika na shamba liko barabarani pia kuna reli ya Tazara inapita karibu na hili shamba upande wa mlimba, miundombinu ya umeme ipo Karibu na shamba, hali ya hewa inaruhusu kilimo cha Parachichi.

Gharama ya shamba katika eneo hili ni kati ya 250,000 – 500,000 likiwa na asili ya msitu. Bei zinatofautiana na zinabadilika kutokana na maamuzi ya muuzaji maana mashamba yanamilikiwa na watu tofauti tofauti hivyo kila mmoja ana bei yake, Lakini pia hali ya shamba Muda mwingine inapelekea bei kupanda au kushuka.

Baada ya kununua shamba zoezi linalofuata ni kusafisha shamba hilo kwa kukata miti, kung’oa visiki na kuondoa uchafu shambani ili kuwezesha hatua za kupanda na kuhudumia mmea zifanyike katika mazingira rafiki. Gharama za kusafisha shamba kwa ekari moja zinakadiriwa kuwa kati ya laki tano hadi milioni moja (500,000 – 1,000,000/-) Gharama hizi zinategemea na wingi wa miti, hali ya shamba na aina ya teknolojia itakayotumika kusafisha shamba.

NAMNA YA KUMILIKI SHAMBA.
This image has an empty alt attribute; its file name is parachichi-poster.png


Kutokana na Gharama za kununua shamba pamoja na Gharama za kusafisha, kampuni itatoa Gharama ya jumla na ya wastani ambayo itajumuisha Gharama za usafiri, utafiti na ufuatiliaji wa mashamba kwa hatua ya awali; pia kununua na kusafisha shamba hadi kuwa safi. Mwanachama atalipia kiasi cha shillingi milioni moja (1,000,000/-) na kampuni itahakikisha shamba limelipiwa na kusafishwa tayari kwa ajili ya kupanda Parachichi. Hii Gharama ni ya kununua na kusafisha tu ekari moja; Gharama hizi hazijumuishi Gharama za hati, hati itafuatiliwa baada ya kumaliza zoezi la kupanda na mkulima atajulishwa Gharama elekezi za serikali za kulipia hati ya kimila ya kumilikishwa shamba.

Gharama za kununua shamba zitalipwa kwa awamu mbili kama mteja atapenda pia anaweza kulipa mara moja. Awamu ya kwanza italipwa shillingi laki tano ambayo itatumika kwa ajili ya kulipia shamba na gharama za ufuatiliaji ikiwa ni pamoja na usafiri wa timu ya utafiti na miradi. Gharama hizi zitalipwa kupitia akaunti za malipo za kampuni ya JATU kama itakavyoelekezwa kupitia msg inayotumwa katika namba yako ya simu mara tu baada ya kuweka oda kupitia app ya Jatu. Oda za mashamba zimeanza kuwekwa tarehe 07.07.2020 hadi pale tutakapo kamilisha ekari 1000 za awamu ya kwanza. Mkulima au mwanachama ataweka oda ya shamba lake kupitia application ya JATU MARKET inayopatikana Playstore na AppStore.

Awamu ya pili ya laki 5 iliyobaki itaanza kulipwa mwezi ujao kuanzia tarehe 01.08.2020 kwa ajili ya kusafisha mashamba. Hii itatakiwa kulipwa ndani ya mwezi mmoja. Yaani kama mwezi huu umelipia laki 5 ya shamba mwezi ujao lazima ulipie laki 5 nyingine kwa ajili ya usafi wa shamba.

Mtu mmoja anaruhusiwa kumiliki (kununua) kuanzia ekari moja hadi ekari hamsini za kulima Parachichi. Hii ni kwa mujibu wa sheria za ardhi za vijiji Tanzania.

This image has an empty alt attribute; its file name is gettyimages-1136225040.jpg
SEHEMU YA PILI

Shamba la Parachichi linahitaji muda na weledi mkubwa katika maandalizi. Parachichi la kisasa linachukua takribani miezi 36 hadi kuanza kuvuna. Hii ni wastani wa kipindi cha miaka mitatu tangu kupanda. Na baada ya kupata shamba na kulisafisha na kuliweka wazi; hatua zifuatazo ni muhimu katika kupanda na kuhudumia zao la Parachichi.

  1. Kulima shamba lote na kuandaa Mbegu.
    Ekari moja ya shamba ina ukubwa wa mita za mraba 4900. Na kitaalamu tunashauriwa kulima Parachichi kwa kuacha nafasi ya mita saba kutoka mche hadi mche. Hii inapelekea kuwa na jumla ya Miche 100 katika ekar moja. Hata hivyo nafasi hizi za kupanda inategemea na Aina ya mbegu ambayo mkulima atachagua; Kumbuka zipo Aina maarufu zaidi 10 za Parachichi. Jatu tunachagua kulima Aina ya HASS kwa sababu ndiyo mbegu ambayo imethibitisha kufanya vizur katika soko la kimataifa na hata soko la ndani. Pia mbegu hii inavumilia changamoto nyingi za kilimo.
  2. Baada ya kulima shamba tutapiga haro ili kulainisha udongo wote wa shamba na kuchanganya rotuba asilia iliyopo shambani.
  3. Kuchimba mashimo kwa ajili ya kuanza kupanda. Tunatakiwa kuchimba mashimo 100 kwa kila ekar moja.
  4. Kuweka mbolea katika kila Shimo, hapa tutaweka mbolea ya asili kama vile samadi au mboji.
  5. Kupanda miche, kila shimo litapandwa mche mmoja wa Parachichi
  6. Kujenga matuta; kwa kuwa shamba letu lina asili ya mwinuko, na ili kuzuia mmomonyoko wa udongo lazima tujenge matuta katika miche yetu na katika shamba letu kwa kuzingatia kontua.
  7. Kuweka maji ya Umwagiliaji. Kila mmea tutaufungia maji yanayodondoka kila mara ili kuwezesha mti kukua kwa wakati. Hii kitaalamu inaitwa drip irrigation au irrigation sprinkler.
  8. Palizi na huduma ya mmea kila mara. Hili zoezi litaendelea kwa takribani miaka mitatu hadi kuanza kuvuna na inashauriwa usafi uwe mkubwa ili kuzuia wadudu na magonjwa ya mimea. Hivyo kila siku mmea utahudumiwa na wataalamu na kila baada ya miezi mitatu tutafanya palizi kubwa ya shamba zima.
  9. Kupiga dawa, pia hili ni zoez la kila mara wakati wote mmea unapokua
  10. Kupruni, hii pia ni huduma muhimu katika mmea hasa Parachichi ili kuwez kujihakikishia mavuno mazuri msimu ukifika.
  11. Kuanza kuvuna; zoez hili linatarajiwa kuanza baada ya miaka mitatu tangu kupanda. Na hii Ndiyo hatua itakayokamilisha awamu ya kwanza ya mradi huu na baada ya hapa tutaanza kuendesha mradi huu kwa kuzingatia msimu wa kila mwaka. Maana yake gharama za uendeshwaji pia zitapungua sana na zitatolewa kila msimu. Na msimu wa Parachichi ni sawa na mwaka mmoja.
MCHANGANUO WA GHARAMA YA UWEKEZAJI ZAO LA PARACHICHI
This image has an empty alt attribute; its file name is investment-5318530_1920.jpg


Kulingana na hatua tajwa Hapo juu, zifuatazo ni gharama tarajiwa;

GHARAMA YA MWAKA WA KWANZA
———————————————

  1. Kulima mara ya kwanza ~ 60,000/-
  2. Kupiga haro ~ 40,000/-
  3. Kuchimba mashimo na kuweka mbolea @ 5000/- x 100 ~ 500,000/-
  4. Miche na kupanda @ 5000 x 100 ~ 500,000/-
  5. Kujenga matuta @2000 x 100 ~ 200,000/-
  6. Umwagiliaji @ 15,000 x 100 ~ 1,500,000/-
  7. Palizi 4 @ 50,000 x 4 ~ 200,000/-
  8. Dawa ~ 500,000/-
  9. Wataalamu (extensions services) ~ @50,000 kwa mwezi ~ ~600,000/-
  10. Tahadhari ~ 400,000/-

Jumla ya gharama kwa mwaka wa kwanza: 4,500,000/=

GHARAMA YA MWAKA WA PILI
———————————————
Mwaka wa pili matumizi yanapungua na kubaki kama ifuatavyo;

  1. Palizi 4 ~ 50,000 x 4 = 200,000/-
  2. Madawa ~ 500,000/-
  3. Wataalam ~ 600,000/-
  4. Dharura ~ 200,000/-

Jumla ya gharama mwaka wa pili: 1,500,000/=

GHARAMA ZA MWAKA WA TATU
————————————————
Huu mwaka ni mwaka wa mavuno gharama zitaongezeka kidogo kama ifuatavyo ukilinganisha na mwaka wa pili.

  1. Palizi ~ 200,000/-
  2. Madawa ~ 1,000,000/-
  3. Wataalam ~ 500,000/-
  4. Kuvuna ~ 500,000/-
  5. Dharura ~ 400,000/-

Jumla ya gharama kwa mwaka wa tatu: 2,600,000/=

Jumla ya gharama zote kwa miaka mitatu:
4,500,000/ + 1,500,000/ + 2,600,000/ = 8,600,000/=

FAIDA TARAJIWA KWA MAVUNO YA KWANZA YA ZAO LA PARACHICHI:
—————————————————
This image has an empty alt attribute; its file name is hass-avocado-1054729_1920.jpg

Ekari moja yenye miche 100 ya parachichi ikihudumiwa vizur inatarajiwa kutoa matunda kati ya 300 – 500 kwa msimu wa kwanza. Hapa ni wastani wa matunda 400.

Parachichi kawaida inauzwa kwa kupima kwa kilogram. Kwa sasa bei ya parachichi kg 1 kwa soko la njombe inakadiriwa kuwa 1200 – 1500/- na kg 1 inabeba wastani wa matunda ya kawaida NNE (4) na kama matunda yamestawi vizuri Basi Tunda tatu zinafikisha kg 1.

Hivyo Basi wastani wa matunda manne kujaza kg 1 ni sawa na kusema mche mmoja wa matunda 400 unaweza kuzalisha kg 100 Na kwa kuwa bei ya zao hili inazid kupanda; ni dhahiri kwamba kg 1 ya parachichi haiwezi kushuka 1500/- kwa miaka mitatu ijayo. Jatu itaweza kununua kilogram moja kwa bei ya tshs 1500/- au zaidi.

Kama bei itabaki kuwa 1500/- kwa kg maana yake kwa mche mmoja kuna tarajiwa kuwa na kg 100 za parachichi.

1,500/- x 100 = 150,000 mara miche 100 = 15,000,000/- Jumla ya mauzo kwa ekari moja.

Ili kupata faida kwa ekari moja: 15,000,000 – 8,600,000/- =6,400,000/-

Hivyo faida ya kwanza inatarajiwa kuwa milion sita na laki nne.
————————————————

Zao la Parachichi linaweza kuvunwa kwa takribani miaka 30 mfululizo. Ni miaka mitatu tu ya mwanzo ndo kuna gharama kubwa za uendeshwaji. Kwa msimu wa pili na kuendelea faida inatarajiwa kuongezeka kwa sababu mmea utakuwa na uwezo wa kutoa matunda mengi zaidi ukilinganisha na msimu wa kwanza; Lakini pia gharama za uendeshwaji ni ndogo Kwani inakadiriwa kuwa kiasi cha shillingi milion tatu tu kwa msimu na faida inakadiriwa kua zaidi ya milion kumi na tano kwa msimu.

Hili ni zao pekee ambalo mkulima ana uhakika wa kupata zaidi ya tshs 10,000,000/- kila mwaka kama faida isiyo na mashaka.

SEHEMU YA TATU
This image has an empty alt attribute; its file name is whatsapp-image-2020-04-24-at-8.26.59-am.jpeg

Jatu PLC inafanya kazi kwa kushirikiana na taasisi yake Tanzu inayoitwa JATU SACCOS LTD (JSL).

Jatu imekubaliana na JSL kwamba mkulima wa jatu atapewa mkopo wa kilimo usio kuwa na riba na atalipa deni lake baada ya mavuno.

Kuhusiana na zao hili la kilimo cha Parachichi, mkulima wa jatu atakopeshwa mkopo usio na riba ambao una thamani ya Sawa na 2/3 ya gharama zote kwa ekar moja. Hapa namaanisha gharama za kuhudumia shamba kila mwaka kuanzia mwaka wa kwanza hadi mwaka wa Tatu.

Jumla ya gharama ni shilling milion nane na laki sita, lakin zimegawanyika kila mwaka kwa miaka mitatu.

Kwa mwaka wa kwanza gharama ni milion nne na laki tano, hapa mwanachama anashauriwa kuchangia shiling milion moja na laki tano ambayo ni 1/3 kupitia jatu Saccos. Baada ya kuweka hii 1/3 ~ 1,500,000/- mkulima anaomba mkopo kupitia application ya jatu Saccos Ltd ambayo inajulikana kwa jina la JATU PESA na atakopeshwa shiling milion tatu ili kukamilisha milion nne na laki tano kwa ajili ya kuhudumia shamba lake mwaka wa kwanza. Na hapa tunategemea kuanza rasmi kuanzia January mwaka 2021.

Ifikapo January 2022 mkulima atachangia tena Saccos kwa ajili ya kupata mkopo wa kuhudumia shamba mwaka wa pili. Na hapa jumla ya gharama ni tshs. 1,500,000/- sasa mkulima atachangia laki tano tu ambayo ni 1/3 ya gharama na atakopeshwa shiling milion moja ili kukamilisha gharama zote tshs. 1.5m.

Na ifikapo January 2023 mkulima anatakiwa awe ameweka akiba ya kumuwezesha kupata mkopo wa kuhudumia shamba kwa mwaka wa tatu. Jumla ya gharama kwa mwaka wa tatu ni shiling milion mbili na laki sita (2,600,000). Hapa mkulima atachangia 1/3 jatu Saccos ambayo ni sawa na 867,000/- ili aweze kupata mkopo wa 1,734,000/- .

Mkulima anashauriwa kuwa anaweka akiba kidogo kidogo kila mwezi ili kuweza kupunguza makali ya kuchangia lakin pia kuwezesha akaunt yake kuweza kukopesheka muda wowote Anapohitaji mkopo.

Jatu Saccos Ltd inatoa mkopo usio kuwa na riba kwa wakulima na mkopo huu pamoja na kwamba unaanza kutolewa mwaka 2021, utalipwa kwa pamoja mwaka 2023 baada ya mradi huu kuanza kutoa mavuno ya kwanza.

Kwa kifupi; mkulima wa zao la parachichi atakae Lima kwa mkopo wa jatu Saccos atakuwa amepunguza gharama kwa zaidi ya asilimia 65 ukilinganisha na mkulima anayelima mwenyewe bila jatu. Yaani katika milion nane na laki sita (8,600,000) mkulima anatoa milion mbili na laki nane na kitu (2,866,666/-) ~. Hii pia inamaanisha mwenye uwezo wa kulima ekar moja mwenyewe anaweza kulima ekari 3 akiwa na Jatu.

JATU SACCOS LTD ~ kopa kwa malengo rejesha kwa wakati. Vigezo na masharti kuzingatiwa.

SEHEMU YA NNE

JATU PLC ilianzishwa mwaka 2016 kwa lengo la kusaidia watanzania kukuza kipato kupitia chakula na kujenga afya zao pia. Ndo maana kirefu cha neno Jatu ni ~ Jenga Afya Tokomeza Umaskini.

Ili kufikia dhima ya JATU, tulikubaliana kujikita katika kilimo, viwanda, masoko na mikopo. Ili kumsaidia mtanzania kutengeneza kipato kupitia chakula cha kila siku, tulilazimika Kuanzisha miradi ya kilimo ili tuweze kuondoa mnyororo wa madalili waliojaa katika biashara ya mazao. Hivyo tukaanza kulima kwa kushirikiana na wanachama wetu. Tunalima ili tufungue viwanda na kuzalisha bidhaa za chakula ambazo tunaziuza kupitia mfumo wetu wa jatu market app.

Hadi sasa tunalima mazao yafuatayo:

  1. Mahindi, kiteto; tunazalisha unga wa mahindi dona na Sembe katika kituo chetu cha kibaigwa, DODOMA.
  2. Alizeti,kiteto; tunazalisha mafuta ya alizet katika kituo chetu cha kibaigwa, DODOMA
  3. Mpunga, kilombero; tunazalisha mchele katika kituo chetu cha kukoboa mpunga kilichopo mbingu kilombero mkoa wa Morogoro.
  4. Maharage, kilindi; tunalima na kufungasha maharage katika kituo chetu cha kilindi mkoani Tanga.
  5. Machungwa, handeni na Muheza; pia tumeanza kilimo cha machungwa katika mkoa wa Tanga kwa lengo la kuzalisha vinywaji na bidhaa zingine zitokanazo na machungwa.

Hivyo Basi, kwa sasa kampuni imeingia katika kilimo cha Parachichi kama
Muendelezo wa mkakati wa jatu kuhakikisha bidhaa zote muhimu zinazoliwa na mwanadamu zinapatikana kupitia mfumo wa jatu na mteja wetu azipate kwa bei nzuri, ziwe na ubora na mteja apate gawio la faida kila mwezi kutokana na manunuzi yake.

Kilimo cha Parachichi mkoa wa Njombe ni mkakati endelevu utakao jumuisha mikoa mingine ya Nyanda za juu kusini na huku tunategemea kujenga kiwanda cha matunda fresh pamoja na kiwanda cha kutengeneza bidhaa mbali mbali zitokanazo na matunda haya. Zao la Parachichi litatuwezesha kutengeneza bidhaa zaidi ya tano ambazo zitauzwa kupitia mfumo wa JATU MARKET APP.

Kampuni inaahidi kwamba itanunua matunda yote ya wakulima wake kwa bei nzuri ya ushindani ili kumwezesha mkulima wake kulima zaidi na kulisha jamii ya jatu kama mkakati unavyosema. Hata hivyo pamoja na kuuza matunda ndani ya Tanzania, kampuni pia imepanga kutumia zao hili na mazao mengine ya matunda kama vile chungwa na apple ambazo tutawaletea Mchanganuo wake hivi Karibuni kuingia katika soko la kidunia. Tutauza matunda nchi mbali mbali duniani na tutavutia wawekezaji zaidi kuja jatu kupitia zao hili.

Mkulima wa jatu atauza matunda ghafi Jatu na Jatu ndo itakayokuwa na mamlaka ya kuchakata au kubrand na kuuza bidhaa hiyo kwa lebo ya kampuni.

JATU – JENGA AFYA TOKOMEZA UMASIKINI

Matukio kwa picha ufuatiliaji wa mashamba ya kilimo cha parachichi Njombe

BALOZI WA JATU MRISHO MPOTO ANOGESHA MAONESHO YA 44 YA SABASABA

Balozi wa JATU PLC Mjomba Mpoto @mrishompoto akitoa elimu na burudani kwa wadau mbalimbali waliotembelea Banda la JATU @jatu_plc @jatu_pesa @jatu_talk katika maonesho ya 44 ya sabasaba. Mjomba Mpoto alithibitisha ule usemi wa waswahili kwamba samaki mkunje angali mbichi kwa kushirikisha wazazi na watoto wao kwenye fursa za uwekezaji kupitia JATU, endelea kutembelea Banda la JATU kipindi hiki cha maonesho ya sabasaba ambayo yatamalizika tarehe 13/7/2020, fursa ni nyingi karibuni sana.

JATU NDANI YA MAONESHO YA SABASABA YA 44 YENYE KAULI MBIU “UCHUMI WA VIWANDA KWA AJIRA NA BIASHARA ENDELEVU”


Msimu huu wa sabasaba JATU PLC tumeshiriki pia, usipange kukosa kutembelea katika banda letu, kuna mambo mazuri kemkem, njoo ujifunze kuhusu fursa mbali mbali.

Fursa za kilimo cha kisasa kisichokuwa na stress kabisa @jatu_plc.
Fursa za kula ulipwe, yaani kwa namna gani tunatokomeza umasikini kupitia chakula tunachokula kila siku @jatu_plc.

Njoo tukueleze ni kwa namna gani ubunifu wako, wazo lako na mtaji vinaweza kukutana @jatu_talk.

Mikopo ya kilimo isiyo na riba na mikopo ya maendeleo yenye riba nafuu kabisa @jatu_pesa.

Na endelea kufatilia matukio mbalimbali msimu huu wa sabasaba kupitia channel yetu ya Youtube ya Jatu TV.

Karibu sana tupo Karibu na Banda la maliasili.
Sabasaba ya mwaka huu 2020 UCHUMI WA VIWANDA KWA AJIRA NA BIASHARA ENDELEVU.

MAENDELEO YA KILIMO CHA MAHARAGE NA JATU KILINDI, PAKUA MFUMO WA JATU TALK USIPITWE NA TAARIFA HIZI

Ni takribani miezi mitatu Tangu tuanze kupanda maharage msimu wa mwaka 2019-2020. Leo tunawaletea taarifa za maendeleo ya zao letu shambani.

Maharage yetu yanaendelea vizuri kama tunavyo yaona katika picha. Tunategemea mwezi ujao tutaanza mavuno.

Hata hivyo tumekumbana na Bado tunachangamoto ya mvua. Hali hii inasababishwa na mvua kukata Tangu mwezi wa Tano.

Endelea kufuatilia taarifa hizi kupitia jatu talk na sisi tutaendelea kuwafahamisha.