Huku tukiendelea na hatua mbalimbali kwenye kilimo cha mpunga shambani Mbingu, Morogoro kwasasa tumefikia hatua nzuri na tunazidi kusonga mbele. Mazao yetu yanaendelea vyema kabisa na bila shaka msimu huu utakua wa neema kwa wakulima wa Jatu kiujumla, mpango wetu ni kuendelea kushirikiana na wadau wa maendeleo ya kilimo kuongeza tija kwenye sekta ya kilimo na viwanda nchini.
Hata hivyo tunawakaribisha wakulima ambao wangependa kufika shambani na kujionea namna zoezi linavyofanyika mnakaribishwa sana fikeni katika kituo cha Jatu Mbingu, kilichopo kata ya Igima wilaya ya kilombero halafu mtaweza kuelekezwa shambani kuja kushuhudia zoezi zima.
Lima bila stress na JATU, jiunge nasi tukabidhi shamba tukutane sokoni.
Tumeingia hatua ya palizi, mahindi yetu leo yametimiza siku 20. Kama yanavyoonekana hapo chini, msimu huu JATU imejipanga kuhakikisha tunapata mavuno ya kutosha kwa kusimamia kila hatua ya kilimo hadi kufikia siku ya mavuno kwa kutumia njia na vifaa vya kisasa huku mchakato mzima ukisimamiwa na wataalamu wetu waliobobea kwenye kilimo cha kisasa.
Jiunge nasi leo utukabidhi shamba tulisimamie tukutane sokoni. Lima bila stress na JATU
Habari, Tunapenda kuwatangazia wanachama wote wa Jatu na ambao sio wanachama wanategemea kuwa miongoni mwa familia ya Jatu, kumekuwa na uvumi wa taarifa ambazo sio sahihi, zikihusisha uwekezaji na ulipaji fedha wa madawa ya kilimo na uchimbaji wa madini. Taarifa hizi hazina ukweli wowote ule na Jatu haiwatambui hawa watu na hawana mikataba yoyote au ushirikiano wa kibiashara baina yao na kampuni.
Kampuni inatoa onyo kali kwa wanachama na kuwatahadharisha kwamba usitume fedha kwa namba ya simu ya mtu yeyote yule kama sio namba ya kampuni au Akaunti namba za Benki za Jatu Plc kwa ajili ya usalama wa fedha zako. Matukio haya huendeshwa na baadhi ya wanachama ambao wanatoa taarifa kwa watu na kutumia namba ambazo hazipo jatu, nazo ni kama inavyoonekana hapa chini na majina yao; –
• 255689377339 Hassan Rashid Mpera
• 255675293717 Joseph Msangi
• 255682379036 Mohamed Boko
• 255682379048 Bakary Mtego
• 255788472209 Mohamed Ismail Kusaga
• 255652599610 Jonas Maulya
Nukuu ya maneno wanayotumia watu hawa inaonyesha hapa chini; –
‘‘habari tulikuwa wote safari ya kiteto mimi ni mwanachama mwenzio na ni mmoja ya wawekezaji mkubwa jatu na nafahamiana na ndugu isare na nahusika kwenye mradi wa umwagiliaji upande wa madawa’’
‘‘habari jatu imedhamiria kuwekeza pia kwenye madini na itatumia kampuni yetu hivyo anza kuweka fedha za kununua hisa mapema katika kampuni yetu ikiwa kama wewe ni mwanachama wa Jatu’’
Mwisho kampuni inaomba ushirikiano wa hali ya juu sana kutoka kwa wanachama wote pindi utakapopokea taarifa ambayo unahisi sio sahihi au inafanana na hizo tajwa hapo juu usisite kuwasiliana nasi.
JATU Super Dinner ni tukio la kipekee sana ambalo litafanyika ukumbi wa Serena Hotel tarehe 14/03/2020 likilenga kukutanisha wadau mbalimbali wenye nia ya kuwekeza kwenye kilimo cha umwagiliaji na viwanda vya kuchakata nafaka kwenye mradi wa Kiteto, Manyara.
Hii ni fursa adhimu kwa wapenda maendeleo wote na sio ya kukosa. Namna ya kushiriki kwenye tukio hili ni kwa kununua coupon yako mapema kwa bei ya 100,000/= kwa single na 150,000/= kwa double, coupon zinapatikana kupitia application ya Jatu ambayo inapatikana playstore.
Sasa JATU imekurahisishia huduma zetu za kifedha, unaweza kufanya miamala yako ya JATU SACCOS kupitia simu yako kwa kupakua APP ya JATUPESA ambayo inapatikana playstore. Mfumo huu utamrahisishia mteja kufanya miamala yake yote pasipo usumbufu wowote na kuhifadhi taarifa zake. Pakua leo APP ya JATUPESA na ufurahie huduma za JATU SACCOS kiganjani kwako, ni rahisi ni salama na ni nafuu.
Tunaendelea na hatua mbalimbali za mradi wa kilimo cha Mpunga Mbingu Morogoro tumeanza maandalizi ya kupanda mwezi Desemba hata ivyo kutokana na mabadiliko ya hali ya hewa na kuwepo kwa mvua nyingi ilitufanya tusimamishe zoezi kwa muda na sasa, tunaendelea kupanda kwenye maeneo ambayo tulikua hatujamalizia kupanda. Sehemu ambazo tulikua tumeshapanda mpunga umeshaanza kuchipua.
Hali ya hewa ni shwari kabisa hivyo tunategemea kumaliza zoezi la kupanda mapema sana na kuendelea na hatua nyingine. Watumishi wetu wanafanya kazi usiku na mchana kuhakikisha zoezi hili linakamilika kwa wakati ili tuweze kufikia malengo tuliojiwekea kwa msimu huu wa kilimo cha mpunga. Tunaendelea kuwahimiza watanzania wengine kuitumia fursa ya kilimo cha JATU ambacho hakina usumbufu wowote na chenye tija ili waweze kujenga afya na kutokomeza umasikini.
