Jumamosi hii ya tarehe 10/4/2021 Jatu Plc kanda ya kaskazini imeandaa semina maalum kwa wakazi wa Arusha na mikoa jirani, semina hii inatarajia kuanza majira ya saa tatu asubuhi, nia na madhumuni ya semina hii ni kutoa elimu zaidi kuhusiana na Jatu Plc na fursa mbalimbali zinazopatikana ndani ya Jatu kama fursa ya kilimo, viwanda, masoko bila kusahau mikopo lakini pia uwakala pamoja na hisa za Jatu. Hapa wanachama wapya watapata kuuliza maswali na kujibiwa kwa undani zaidi na maafisa masoko wetu.
Lakini pia semina hii itakua ikitoa maelezo yote ama namna ambavyo wanachama wa Jatu Plc watanufaika baada ya kujiunga na JATU, Semina hii itafanyika mkoani Arusha katika ofisi zetu zilizopo jengo la Saidi condo maarufu kama(furniture collection) ghorofa namba 3,muda ni kuanzia saa 3 asubuh, Njoo wewe pamoja na nduguyo mje mfahamu mengi zaidi yaliyopo ndani ya JATU PLC.
Miss Tanzania 2018 Queen Elizabeth Makune ambae ni balozi wa JATU PLC ametembelea makao makuu ya JATU PLC yaliyopo jijini posta katika jengo la PPF house akiwa katika studio za JATU TALK TV amewaasa na kuwasihi watanzania kuchangamkia fursa ya KULA ULIPWE ndani ya JATU kwa kuendelea kutumia bidhaa mbalimbali za chakula haswa katika kipindi hiki cha msimu wa sikukuu za pasaka.
Balozi Queen Elizabeth Makune alitoa mfano akisema, “Piga hesabu tangu umeanza kununua bidhaa mpaka sasa, kama ungekua unapata gawio ungekuwa na pesa kiasi gani?” Lakini kupitia mfumo wa JATU MARKET tunakupatia gawio la faida kila mwezi kwa kila bidhaa utakayonunua kutoka Jatu Plc.
Pakua mfumo wetu wa JATU MARKET katika simu yako sasa uanze kufurahia huduma zetu wewe pamoja na familia yako haswa katika kipindi hiki cha msimu wa sikukuu ya Pasaka.
JATU imefungua supermarket zenye ubora wa hali ya juu nchini tanzania ili kuweza kukidhi mahitaji ya wa tanzania na kuhakikisha kuwa wanaweza kutengeneza kipato cha kutosha kwa kupitia chakula cha kawaida cha nyumbani.Bidhaa zinazopatikana kupitia supermarket zetu ni maharage;mchele daraja la kwanza,la pili na la tatu,mafuta ya alizeti,karanga,vitunguu,unga wa sembe na dona,unga wa lishe.Supermarket zetu zinapatikana katika mikoa ifuatayo;
Arusha ambayo ni kanda ya kaskazini,inapatikana katika jengo la Saidi condo karibu na shule ya kaloleni au simu namba 0762264730
Mtwara ambayo ni kanda ya kusini,supermaket hii ipo Mtwara mjini mtaa wa Sokoine jengo la PSSSF floor no 2 au simu 0745910265
Dar es salaam ambayo ni kanda ya pwani,supermarket zinapatikana mjini posta PPF house floor no 1, Tabata kinyerezi na viwanja wa maonyesho sabasaba au simu 0758396767
Mwanza ambayo ni kanda ya ziwa,supermarket inapatikana mtaa wa ghana katika ghorofa ya olympic ground floor mkabala na rock city mall au simu 0743889735
Dodoma ambayo ni kanda ya kati,supermarket zetu zipo majengo sokoni,jengo la kisagani floor no 2 au simu 0755650080.
Usisahau kila bidhaa utakayonunua kupitia mfumo wa JATU MARKET tutakupatia gawio la faida kila mwisho wa mwezi.
Hii ni safari iliyoandaliwa na JATU PLC, ikiwa na lengo la kwenda kutembelea mradi wa parachichi uliopo mkoani Njombe.
Mradi huu upo chini ya usimamizi wa JATU PLC lakini unamilikiwa na wanachama wa JATU PLC, hii itakua ni mara ya kwanza kwa wanachama kwenda kujionea kwa macho maendeleo ya mradi huu, safari hii itakua ni tarehe 23/4/2021 mpaka tarehe 26/4/2021. Gharama za safari ni shilingi 250,000 ikijumuisha malazi, chakula, vinywaji pamoja na shamba boots.
Malipo yanafanywa kupitia mfumo wetu wa JATU MARKET na tunawasihi wanachama kufanya malipo yao mapema kwani nafasi ni chache, lakini pia kutakua na tukio maalum la kuzindua kampuni ya kitalii yaani TRAVEL 301 inayoshirikiana na JATU PLC bila kusahau kivutio cha JATU GREEN GOLD VILLAGE hapa wanachama watapata nafasi ya kujionea kijiji hiki na kupata wasaa wa kupata burudani kama vinywaji pamoja na mziki. JATU PLC inaendelea kuwasihi wanachama wake kuendelea kununua mashamba ya parachichi ambayo yanapatikana kwa shilingi milioni moja kwa ekari ambapo kama utanunua shamba la parachichi mwaka huu yaani 2021 hadi kufikia 2024 mwanachama atakua ameshavuna.
Twenzetu Njombe
Wekeza na JATU PLC katika kilimo cha parachichi 2021
Ikiwa chini ya JATU PLC hatimaye JATU KULA ULIPWE RESTAURANT kuzinduliwa rasmi ifikapo Tarehe 1 Aprili 2021. JATU Kula Ulipwe Restaurant inapatikana Posta katika jengo la PSSSF House ghorofa ya nne ikiwa na mazingira rafiki na ya kisasa yanayomhakikishia mteja hali ya utulivu na kujihisi yuko nyumbani wakati wote anaokuwepo ndani ya mgahawa.
Licha ya kuwa ya mgahawa huo kupatikana Posta kupitia mfumo wa JATU MARKET app mtu yoyote anaweza kuagiza chakula kutoka JATU KULA ULIPWE na kufikishiwa chakula alichoagiza popote alipo ndani ya muda na chakula kikiwa katika hali bora.
Usipitwe nah ii karibu JATU KULA ULIPWE MGAHAWA upate mara mbili zaidi, msosi mtamu na gawio la faida juu. Na hii ndio maana halisi ya JATU KULA ULIPWE RESTAURANT.
Ikiwa ni mkutano wa kwanza tangu kuingia mwaka 2021, kampuni ya JATU PLC mapema siku ya Jumamosi ya tarehe 27 Februari 2021 ilifanya Uzinduzi wa Sera za Kilimo katika ukumbi wa Blue Pearl ikijumuisha wanachama kwa wasio wanachama wa JATU.
Akizungumza na washiriki wa Mkutano huo Mkurugenzi Mtendaji wa JATU PLC Ndg. Peter Isare alisema kuwa, “sera hizi mpya zinalenga kuiwezesha kampuni kukua kwa kasi kwa kuongeza ufanisi kwa kutekeleza na kuboresha miradi mipya ya kilimo inayotarajiwa kuanzishwa. Hii ni kutokana na gawio la 25% la faida itakayotokana na usimamizi wa shamba ambayo itatolewa kwa kampuni kama gharama ya usimamizi wa shamba la mwanachama. Aliongeza, “kwa kupitia sera hii tunaamini kwamba watu wenye mawazo ya kibunifu wataweza kunufaika kupitia ushiriki wao kwenye kwenye miradi ya kilimo kwa kupata gawio la asilimia 25% kutokana na mawazo yao ya kibunifu yaliyobadilishwa na kuwa katika miradi inayoonekana hivyo kampuni pia kunufaika na miradi ya kilimo kuongezeka”.
Aidha Ndg. Peter Isare alizungumzia juu ya sifa na vigezo vya namna mmoja anaweza kushiriki katika miradi ya JATU ya kilimo kikamilifu ikiwa ni Pamoja na; kumiliki hisa za kampuni zilizoorodheshwa mwishoni mwaka jana katika Soko la Hisa Dar es Salaam (DSE), kukubali kutumia mfumo wa masoko wa JATU market app kwa kununua bidhaa zinazozalishwa na JATU kila mwezi ili kujihakikishia kupata gawio la faida kila mwisho wa mwezi na mwisho kufikia adhma ya kampuni ya Kujenga Afya na Kutokomeza Umaskini kwa kutumia bidhaa bora za JATU zinazozingatia afya ya mlaji wake. Vilevile Ndg. Isare alitoa rai wa washiriki wa mkutano huo kuitumia fursa ya JATU SACCOS kwa kujiunga na chama hiko na kuanza kuweka akiba mapema ili kuweza kutimiza vigezo na kuweza kunufaika na mikopo ya kilimo isiyo na riba kwa masharti nafuu.
JATU PLC ni kampuni ya umma ambayo imejikita katika shughuli za kilimo,viwanda na masoko. Kampuni pia hutoa mikopo isiyokua na riba kwa wanachama wakulima, ambayo hurudishwa mara tuu baada ya mavuno, pia na mikopo ya maendeleo yenye riba nafuu kwa wanachama kupitia JATU SACCOS LIMITED. Mfumo wa kilimo ambao kampuni huendesha ni kilimo shirikishi ambapo wakulima ambao ni wanachama wa JATU PLC hulima kwa pamoja na mara baada ya mavuno basi kila mwanachama hupatiwa mavuno yake kutokana na hekari alizolima, kilimo hicho shirikishi kimekuwa ni chachu kwa wakulima kwa kuwa kimekuwa kikiwabeba wakulima kwa kupata idadi karibia na ile iliyokadiriwa.
Mazao yote yanayolimwa na JATU PLC huuzwa kupitia mfumo wa JATU MARKET, na kampuni ndio mteja pekee wa mazao hayo. Kupitia mazao haya ambayo hutumika kama malighafi katika viwanda vya kampuni, bidhaa mbali mbali huzalishwa kutokana na mazao hayo na kuuzwa kwa wanachama wa JATU kupitia mfumo wa JATU MARKET. Bidhaa hizi pia hupatikana katika maduka makubwa ambayo yanamilikiwa na kampuni maarufu kama JATU SUPERMARKET na pia kupitia mawakala wa JATU ambao wanapatikana Tanzania nzima. Hizi bidhaa huuzwa katika mfumo wa soko la mtandao (Network Market) ambao mwanachama anaweza kutengeneza mtandao wake wa walaji na kujipatia gawio la faida kila mwisho wa mwezi kulingana na manunuzi yake yeye na pamoja vizazi vyake.
MRADI WA MPUNGA MBINGU MKOANI MOROGORO.
Katika mkoa wa Morogoro wilayani Mbingu JATU Plc wamejikita katika kilimo cha mpunga, ambapo JATU PLC inamiliki mashamba makubwa ya mpunga, baada ya mpunga kuvunwa huchakatwa katika kiwanda cha kampuni ,na kufungashwa katika vifungashio maalum vyenye nembo ya JATU, na bidhaa hizi huwekwa sokoni ambapo wanunuzi wakuu wa bidhaa hizi ni wanachama wa JATU wenyewe.Kwasasa hatua iliyofikia ni upandaji na kupiga haro,zoezi hili
linategemea kuendelea kufanyika mpaka mwezi wa kwanza katikati ili kumaliza zoezi hilo la uandaaji wa mashamba.
MRADI WA VIAZI LISHE RUVUMA
Viazi lishe ni mradi unaofanyika mkoani Ruvuma wilaya ya Madaba chini ya usimamizi wa JATU PLC ambapo mradi huu wa viazi lishe unatarajiwa kuanza rasmi baada ya maandalizi ya mashamba kukamilika kusafishwa, na kupiga haro. Tayari kazi ya kusafisha mashamba ikiwemo kung’oa visiki na kuondoa majani na uchafu mwingine shambani umeshaanza kufanyika. Idara ya Miradi na Utafiti inaeleza kuwa mpaka sasa zoezi la kusafisha mashamba limekamilika kwa 60% na pia shughuli nyingine inayoendelea ni kuunganisha miundombinu ya barabara na madaraja kutokea Songea kuelekea Dar es salaam ambapo zoezi hili mpaka sasa limekamilika kwa 70%
MRADI WA PARACHICHI NJOMBE.
Kilimo cha parachichi ni mradi mpya kwa mwaka huu wa 2021 ambao utakua unafanyika mkoani Njombe katika kijiji cha Taweta chini ya usimamizi wa JATU PLC, mpaka sasa kinachoendelea ni maandalizi ya mashamba ambayo yamekwishaanza kufanyika, ukubwa wa shamba ni takriban ekari 1,000 na mpaka sasa ekari 400 zimekwisha safishwa tayari kwa kuanza zoezi la kuchimba mashimo kwa ajili ya kuhamishia miche shambani kipindi cha mwezi february 2021. Zoezi la ukaguzi wa mipaka na kuweka alama katika shamba hilo limefanyika kwa umahiri mkubwa na zoezi la kujenga eneo la kuhifadhia miche kwa lengo la kudhibiti maambukizi ya ugonjwa wa fangasi za mizizi kutoka kwa mche wenye maambukizi kwenda kwa micheisiyokuwa na maambukizi. Kilimo cha parachichi kinakadiriwa kuchukua muda wa miaka mitatu mpaka kuvunwa kwa parachichi, mradi huu licha ya kuchukua muda mrefu lakinipia ni mradi wenye faida kubwa tarajiwa baada ya mkulima kuanza kuvuna, lakini pia mkulima atakua na uwezo wa kuvuna kila mwaka baada ya miaka hiyo mitatu
MRADI WA NDIZI TARIME.
JATU iliamua kuanzisha mradi wa ndizi wilayani tarime kutokana na rutuba ya ardhi ya mkoa wa Mara na wilaya ya Tarime katika kilimo cha ndizi. Siku ya tarehe 29/12/2020, maandalizi ya uzinduzi wa mradi wa ndizi yalikamilika na wanakijiji hususani wakulima wa zao la ndizi, Viongozi wa serikali akiwemo Diwani kata ya Nyanungu alihudhuria. Uzinduzi wa mradi huu kwa ujumla ulileta muamko mkubwa kwa wakulima na wananchi wa kata ya Nyanungu kwa ujumla kwani ulileta matumaini ya maendeleo ambayo yamekua yakisubiriwa kwa muda mrefu. Kwa sasa wananchi hao wanatumaini la kulima kisasa zaidi na kupata soko la mazao yao baada ya mavuno na vilevile ongezeko la ajira hususani kwa wanawake na watu wote ambao wataonyesha nidhamu na jitihada katika kujituma kufanya kazi.
MRADI WA MAHINDI KITETO.
Wilaya ya kiteto mkoani Manyara kampuni ya Jatu plc imewekeza katika kilimo cha mahindi na alizeti. Maendeleo ya mradi kwa sasa yamefikia kwenye upandaji na kuna mahindi ambayo yamekwisha chipua na kuota na zoezi hili la kupanda shamba linategemea kukamilika mnamo mwezi wa pili mwaka huu. Ikumbukwe kwamba shamba hili linapandwa kisasa kabisa kwa kutumia trekta ambalo hulima shamba. Eneo kubwa la shamba tayari limekwisha andaliwa tayari kwa kuendelea na zoezi la kupanda. Tuliweza kuzungumza na mkuu wa Idara ya Miradi na Utafiti ambae alizungumzia maendeleo ya mradi na kuelezea shughuli zinazoendelea kwa sasa ni upigaji wa dawa kwa ajili ya kuua magugu ambayo yameota katika shamba, shughuli za kupanda pia zinaendelea sambamba na usafishaji wa maeneo mengine ya shamba.
Siku ya jana ubao wa hisa za Jatu kulikua na jumla ya hisa 2,230 zenye thamani ya Tsh 1,695,100 zilizouzwa na kununuliwa katika miamala 12, kwa bei ya wastani ya Tsh 760, idadi ya hisa zilizobaki zikisubiri kununuliwa ni hisa 12,220. Thamani ya kampuni ni Tsh billioni 1.64 .
Kampuni ya Jatu plc inawakaribisha wanahisa Pamoja na wanachama wake kuwekeza katika mradi wa kilimo cha maparachichi unaosimamiwa na kampuni katika mkoa wa Njombe, zao hili lina faida sana kutokana na kua na soko la uhakika kitaifa na kimataifa, pia kutakua na ziara ya kutembelea mashamba ya mradi wa parachichi ambapo utapata fursa ya kuona mashamba na kujionea mwenendo wa mradi huu, safari hii itakua ni tarehe 23 Aprili mpaka tarehe 26 Aprili, ili kushiriki lipia coupon yako kupitia mfumo wa Jatu market.
Tunaendelea kuwakaribisha kushiriki katika mradi wa kilimo cha umwagiliaji kwa zao la maharage kwa msimu wa mwaka 2021/2022, nunua shamba lako kwasasa kupitia mfumo wa Jatu market mradi huu ni wa faida sana kwani unaweza kulima mpaka mara mbili kwa mwaka.
Mapema siku ya jana, tarehe 29.12.2020 kampuni ya JATU PLC ikiongozwa na Mkurugenzi Mtendaji Ndg. Peter Isare Gasaya imezindua rasmi mradi wa kilimo cha ndizi mkoani Mara wilayani Tarime katika viwanja vya shule ya msingi ya Mangucha.
Katika hotuba yake Mkurugenzi Mtendaji Ndg. Peter Isare alieleza kuwa,”Lengo kuu la mradi huu mpya ni pamoja na kuwawezesha vijana kupata ajira ya kudumu kupitia kilimo cha ndizi lakini pia kuwasaidia katika kurahisisha upatikanaji wa masoko ya zao hilo la ndizi”. Aliendelea kusema,”mradi huu kwa kuanza utahusisha wakazi wa wilaya ya Tarime vijijini ambao watatarajia kupata mafunzo ya kitaalamu ya kutosha kutoka kwa wataalamu wa masuala ya kilimo ili kufanya kilimo chenye tija kwa matokeo chanya”.
Aidha alisisitiza watu wajitokeze na kujiunga kwa vikundi kwa wingi ili kuweza kunufaika na mradi huu kwa kupata mafunzo na usimamizi wa kisasa na wa kitaalamu katika mashamba yao, kunufaika na mikopo ya kilimo isiyokuwa na riba, uhakika wa masoko kwa mazao yao lakini pia ajira za kudumu kwa wakazi wa maeneo ya mradi huu. Halikadhalika kujenga miundo mbinu kama vile visima na mashine ili kupata maji ya kutosha kwa ajili ya umwagiliaji na maendeleo mengine ya kijamii kama ujenzi wa barabara katika vijiji husika, nk.
Kutoka mkoani Mara wilaya Tarime vijijini kijiji cha Mangucha ngoma ya kikabila aina ya Nyakitalikutoka kabila la Wairege
Leo ni takribani siku ya 18 tangu JATU PLC irodheshe hisa zake katika soko la hisa la Dar es Salaam (DSE) Mnamo tarehe 23 November, 2020.
Kampuni iliingia sokoni na kuorodhesha vipande 2,164,349 vya hisa kwa bei ya Tshs. 420 kwa hisa moja.
Siku ya leo tumefungua soko kwa bei ya Tsh 820 na ubaoni kulikua na jumla ya hisa zinazosubiri kununuliwa kutoka siku ya jumanne. Jumla ya hisa zilizoweza kuuzwa na kununuliwa leo ni hisa 2910 katika miamala 10 kwa bei tofauti tofauti ya Tsh 840, 860 na 900 ambayo imepelekea kua na bei ya wastani wa soko ya Tsh 865 ambayo tumefungia soko siku ya leo.
Bei ya hisa imeongezeka kwa kiasi cha asilimia 4.88% kutoka 820 mpaka 860 na Jumla ya thamani ya hisa zilizouzwa siku ya leo ni Tsh 2,512,400. Na Idadi ya ofa zilizobaki zikisubiri kununuliwa ni hisa 12,672. Pia kwa siku ya leo tumefunga soko kukiwa naoutstanding offers (wanaosubiri kuuza )ni hisa 5.
Thamani ya kampuni imezidi kuongezeka mpaka kufikia billion 1.86 ukilinganisha na bilion 1.08 ya tarehe 23 November, 2020.
Uongozi wa JATU PLC unaendelea kuboresha huduma zake na kupanua uwekezaji katika kilimo, viwanda na masoko ili kuhakikisha wanahisa wake wananufaika kutokana na uwekezaji wao wanaoendelea kufanya na JATU.
Kwa sasa tunawashauri wakulima na wote wenye hisa kuwekeza katika mradi wa kilimo cha parachichi unaosimamiwa na JATU katika mkoa wa Njombe. Mradi huu unafaida kubwa sana na ya muda mrefu na ukizingatia soko lake ni la uhakika kitaifa na kimataifa.
Tembelea app ya JATU MARKET inayopatikana Playstore na AppStore uweke oda yako sasa kwa manufaa ya kiuchumi Leo na kesho.
Pia tunaendelea kukukaribisha ufike katika ofisi zetu zilizo Karibu na wewe nchi nzima ili uweze kujaza fomu ya uwakala uwe wakala wa huduma na bidhaa za jatu.
Lakini pia endelea kula bidhaa za JATU ili mwisho wa mwezi upate gawio la faida, mjulishe na mwenzako kuhusu huduma za jatu na wewe utapata commission kwa kutoa tu taarifa kwa mwenzako na akajiunga na kutumia huduma za jatu kupitia app ya JATU MARKET na Jatu Pesa.
Imetolewa na, Sarafina Adrian Mchumi na mchambuzi wa soko la hisa ,JATU PLC 11.12.2020
