JATU PLC NA KILIMO CHA ALIZETI

Alizeti ni zao linalolimwa kwa wingi nchini Tanzania, Afrika Mashariki na Duniani kote kwa Ujumla. Alizeti hulimwa kwa wingi karibu maeneo yote nchini Tanzania katika nyanda za kaskazini, kati, mashariki pamoja na nyanda za juu kusini hasa katika mikoa ya Shinyanga, Singida, Dodoma, Iringa, Tabora, Morogoro, Ruvuma, Mbeya, Arusha, Manyara na Rukwa. Hii inatokana na uwezo wa alizeti kustawi vizuri katika mazingira mengi tofauti bila ya kuwa na utofauti mkubwa katika uzalishaji wake.

Alizeti ni zao la kibiashara na ni moja kati ya mazao matano yanayolimwa ndani ya kampuni ya JATU PLC kwa takribani miaka mitano mfululizo toka kuanzishwa kwa shughuli za kilimo katika kampuni ya JATU PLC ambalo hutumika kuzalisha bidhaa ya mafuta ya kupikia yaani JATU COOKING OIL.

Mbegu za Alizeti zinapokamuliwa hutoa mafuta yanayoweza kutumika kwa matumizi mbalimbali hasa kupikia. Wataalamu wengi wa afya wanapendekeza matumizi ya mafuta ya alizeti katika mapishi kwa sababu hayana lehemu na hivyo ni salama kiafya hasa yanapotumika vizuri. Kwa sababu hiyo mafuta yanayotokana na alizeti yamekuwa na soko zuri na hivyo biashara yake ni njia nzuri ya kumwongezea mkulima na mfanyabiashara kipato.

Katika msimu wa mwaka 2020-2021 JATU PLC ilianza maandalizi ya mashamba ya alizeti mwishoni mwa mwezi Septemba na kuanza shughuli rasmi za kupanda kufikia mwezi Novemba ambapo takribani zaidi ya ekari 1000 zililimwa na kupanda mbegu chotara aina ya AGUARA 4 ambayo ni mbegu fupi inayotengeneza vichwa vyenye kuzaa mbegu nyingi na mavuno yake huwa ni mazuri, pia inakomaa mapema kwa wastani wa siku 86 hadi 95, ina kiwango kikubwa cha mafuta cha 40% na pia ina uwezo wa kujikinga na ndege kutokana na tabia ya kichwa kutazama kuelekea chini.

Kwa sasa Wataalamu kutoka shambani wanaendelea na utekelezaji wa kusimamia zao hili kwa umakini mkubwa kwa lengo la kumpatia mkulima wa JATU mavuno ya kutosha na baadae apate faida nzuri baada ya kuuza mazao yake kwenye viwanda vya JATU.

Karibu kuwekeza katika msimu ujao kwani mashamba yanapatikana kupitia JATU MARKET APP inayopatikana Playstore na Appstore. Wahi mapema ununue na ukodi mashamba kadhalika kujihakikishia kupata mkopo wa kilimo usiokuwa na riba kutoka JATU SACCOS.

JATU

Jenga Afya, Tokomeza Umaskini

2 thoughts on “JATU PLC NA KILIMO CHA ALIZETI

  1. Habari za leo. Nimesahau no yangu ya utambulisho nashindwa kuingia katika app yangu ya jatu market .

    Naomba msaada wenu namna ya kureset tafadhali

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s